Həsənov Sakit Məhərrəm
oğlu 15.XI.1980 -ci il tarixdə Azərbaycan respublikası Zaqatala
rayonu Mamrux kəndində, müəllim ailəsində anadan olmuşdur.
2002 ci ildə Azərbaycan Müəllimlər İnstitutu Zaqatala filialına qəbul olmuş, 2006-cı ildə tarix ixtisası üzrə həmin
institutu bitirmişdir. 2006 cı ildən Zaqatala rayon Mamrux kənd tam orta məktəbində
tarix müəllimi işləyir. Müxtəlif vaxtlarda Zaqatala rayonunun Ələsgər kənd əsas
məktəbi, Gözbarax kənd tam orta məktəbi, ADPU Zaqatala filialında tarix müəllimi
ixtisası üzrə fəaliyyət göstərmişdir. 2009 cu ildə
ali təhsilin magistratura pilləsi üzrə Azərbaycan Dövlət Pedaqoji Univesitetinə
qəbul olmuş, 2012 ci ildə həmin universiteti bitirərək "Tarixin tədrisi
metodikası" ixtisası üzrə magistr dərəcəsini almışdır. Yeni təlim texnologiyaları ilə təlim prosesini həyata
keçirən qabaqcıl müəllim kimi rayon təhsil ictimaiyyətində tanınır. Təlim
prosesini İKT, müasir təlim üsulları və digər innovasiya texnologiyalarından
yararlanmaqla həyata keçirir. İş təcrübəsi Zaqatala rayon təhsil müəssisələri səviyyəsində
öyrənilir, təbliğ edilir. Rayon məktəblərində Fənn kurikulumlarının tətbiqinə nəzarət
və kömək etmək məqsədilə rayonun dayaq məntəqə iclaslarında, elmi-praktik
konfranslarda aktual məsələlərlə mütəmadi olaraq çıxış etmişdir. Təlimin
texniki vasitələrindən geniş istifadə olunması, nəzəriyyənin praktikada tətbiq
edilməsi, onun pedaqoji fəaliyyətinin əsas xüsusiyyətlərindəndir. ”Yeni təlim
texnologiyaları”, “tarixin interaktiv təlimi” və başqa mühüm məsələlərə həsr
olunmuş məqalələri elmi-pedaqoji mətbuat səhifələrində çap olunmuşdur. Azərbaycan Müəllimlər
İnstitutu və Bakı Slavyan universitetlərində
keçirilmiş beynəlxalq elmi konfranslarda
məruzələrlə çıxış etmişdir. Zaqatala rayonunun ictimai işlərində, tədbirlərin təşkilində
fəal iştirak edir. Pedaqoji fəaliyyətindəki ugurlarına görə Zaqatala Rayon İcra Hakimiyyəti, Zaqatala
RTŞ-si tərəfindən fəxri fərmanlarla təltif edilmişdir.
Комментариев нет:
Отправить комментарий